Путин Трампни табриклашни режалаштирмаяпти – Песков

ASTANA. Kazinform – Россия етакчисининг матбуот котиби Дмитрий Песков Россия президенти Владимир Путин Дональд Трампни АҚШ президентлиги сайловидаги ғалабаси билан табриклашни режалаштирмаётганини маълум қилди.

Кремль расмийсининг таъкидлашича, гап "Россияга дўстона бўлмаган мамлакат" ҳақида кетаётганини унутмаслик керак.

"Америка президентини сайлаш Қўшма Штатларнинг ички иши", – деди Песков.

У, шунингдек, Дональд Трамп АҚШ президенти лавозимига киришгунча кутиш кераклигини эслатди.

Песковнинг таъкидлашича, АҚШ ва Россия Федерацияси ўртасидаги муносабатлар тарихан энг паст нуқтада ва бундан ҳам ёмонлашиши деярли мумкин эмас. Песковнинг сўзларига кўра, Путин адолат, тенглик ва икки давлат ташвишларига асосланган конструктив мулоқотга тайёрлиги ҳақида бир неча бор гапирган.

Давлат ва ташкилотлар раҳбарлари Дональд Трампни АҚШ президентлиги сайловидаги ғалабаси билан табриклай бошлагани ҳақида аввал хабар берган эдик. У Қўшма Штатларнинг 47-президенти бўлди. Fox News маълумотларига кўра, жорий овоз бериш натижаларига кўра, Д.Трамп ғалаба учун зарур бўлган 270 сайлов овозидан ошиб кетди ва 277 овоз тўплади.