Президент Туркманистонни бетарафлигининг 29 йиллиги муносабати билан табриклади

ASTANА. Kazinform - Қасим-Жомарт Тоқаев Туркманистон бетарафлигининг 29 йиллиги муносабати билан Сердар Бердимуҳамедовга табрик йўллади. Бу ҳақда Ақорда матбуот хизмати хабар берди.

Қозоғистон Президенти ўз телеграммасида Туркманистоннинг бетарафлик сиёсати муваффақиятли олиб борилаётгани халқаро майдонда мамлакат обрў-эътиборини ошириб, катта ҳурмат қозонганини таъкидлади.

— Қозоғистон ва Туркманистонни кўп асрлик муносабатларга асосланган мустаҳкам дўстлик, яхши қўшничилик ва ўзаро ёрдам боғлаб туради. Икки қардош давлат ўртасидаги стратегик шериклик мустаҳкамланиб, жадал ривожланмоқда. Биз буни қадрлаймиз, — дейилади табрикда.

Давлат раҳбари Туркманистон Президентига масъулиятли фаолиятида муваффақиятлар, қардош туркман халқига фаровонлик тилади.

Аввалроқ Тоқаев энергетика ходимларини мукофотлаш тўғрисидаги Фармонни имзолагани хабар қилинганди.