Президент сиёсий қатағон ва тоталитаризм қурбонларининг “АЛЖИР” мемориал-музей мажмуасига ташриф буюрди
ASTANА. Кazinform – Бугун Сиёсий қатағон ва очарчилик қурбонларини хотирлаш куни.
Шу муносабат билан Президент Қасим-Жомарт Тоқаев сиёсий қатағон ва тоталитаризм қурбонларининг “АЛЖИР” мемориал-музей мажмуасига ташриф буюриб, гулчамбар қўйди.
Давлат раҳбари шаҳидлар хотираси учун бир дақиқа сукут сақлади.
Эслатиб ўтамиз, қатағонга учраган қозоқларнинг ўзига хос жиҳати — аҳолининг 40 фоизини йўқотиши, халқнинг кўзга кўринган арбобларининг таъқиб қилинишидир. Қонли даврда Алихан Бўкейханов, Ахмет Байтурсинов, Мағжан Жумабаев, Турар Рисқулов, Беимбет Майлин, Илияс Жансугуров, Сакен Сейфуллин, Санжар Асфендияров, Халел Досмухамедов каби сиймолар отиб ташланди. Сиёсий фанлар доктори, алашшунос олими Абдижалел Бакирнинг фикрича, Совет ҳукумати учун зиёлиларни қамоққа ташлаш қийин эмас эди. Улар ҳар қандай фикр ёки позицияни жиноят деб билиб, эркин фикрли фуқароларни йўқ қилишга уриндилар.
