Президент православ қавмини Пасха байрами билан табриклади

NUR-SULTAN. Kazinform – Президент Қасим-Жомарт Тоқаев православ христианларини Пасха байрами билан табриклади, дея хабар беради Kazinform Ақорда матбуот хизматига таяниб.

Юртимиздаги православ қавмини муқаддас Пасха байрами билан табриклайман!

Меҳрибонлик ва раҳм-шафқатга чорловчи ушбу байрам муқаддас қадриятларни улуғлайди.

Христианлик динининг эзгу фазилатлари инсонга яхшилик ва хайр-эҳсон олиб келади. Пасха маънавий бирлик ва ҳақиқий биродарлик йўлини очади.

Бутун дунё хавфли эпидемия билан курашаётган бир пайтда, барча дин вакиллари учун руҳи тетик бўлиш ва ўзаро ҳамкорлик қилиш муҳимдир.

Умид қиламанки, доно халқимиз бирдамлик ва сабр-тоқат туфайли ҳар қандай қийинчиликни муносиб равишда енгиб чиқади.

Барча православ христианлари ва ватандошларимизга соғлиқ, бахт ва муваффақият тилайман!