Президент Қаратал тумани мудофаа ишлари бўлимида бўлди
TALDYQORǴAN. KAZINFORM — Давлат раҳбари Уштўбе шаҳрида жойлашган Қаратал тумани мудофаа ишлари бўлими биносини бориб кўрди. 1983 йилдан буён фойдаланилаётган объект жорий йилда капитал таъмирланиб, октябрь ойида мазкур муассасага топширилди.
Мудофаа вазири Руслан Жақсилиқов Қозоғистон Республикаси Қуролли Кучлари Олий Бош Қўмондонига Smart-ҳарбий комиссарлик лойиҳаси ҳақида ҳисобот берди. Янги ташаббусга кўра, фуқаролар автоматик тарзда ҳарбий рўйхатга олинади.
Вазирнинг сўзларига кўра, ҳар йили 160 мингдан ортиқ 17 ёшли йигитлар автоматик тарзда ҳарбий рўйхатга олинади. Шунингдек вазирлик томонидан сафарбарлик ресурсларининг ахборот тизими яратилган. Рақамли трансформация Қозоғистондаги 16 ёшдан 60 ёшгача бўлган барча эркак фуқароларни қамраб олади. Бу иш қоғозда амалга оширилганда ҳисоботда 2,5 миллион фуқаро бўлган. Рақамли форматга ўтгандан кейин эса уларнинг сони 6,8 миллионга етди.
Шунингдек, IT соҳасида билимга эга аскарлар “Халқ овозига қулоқ солувчи давлат” тамойили асосида Armiakz ахборот хизматини ташкил этди. Лойиҳа тарбиявий ва мафкуравий ишларни ташкил этиш мақсадида сунъий интеллектдан фойдаланган ҳолда ишлаб чиқилган. Ушбу хизматнинг мобиль версияси ҳам мавжуд бўлиб, у ота-оналар билан фикр-мулоҳаза юритиш учун қулайдир.
Ўз навбатида Қасим-Жомарт Тоқаев муддатли ҳарбий хизматга чақирилган фуқаролар билан суҳбатлашиб, уларга муваффақиятлар тилади.
