Президент Иорданияга расмий ташрифи доирасида 10 та ҳужжат имзолади
ASTANА. Кazinform - Музокаралар якунида Қозоғистон Республикаси Президенти Қасим-Жомарт Тоқаев ва Иордания Ҳошимийлар Подшоҳлиги Подшоҳи Абдулла бин Ал-Ҳусайн II қўшма баёнот қабул қилди. Бу ҳақда Ақорда маълум қилди.
Шунингдек, расмий делегациялар аъзолари давлат раҳбарлари иштирокида қуйидаги ҳужжатларни имзоладилар:
1. Қозоғистон Республикаси Ҳукумати ва Иордания Ҳошимийлар Подшоҳлиги Ҳукумати ўртасида саноат кооперацияси масалалари бўйича ўзаро англашув меморандуми;
2. Қозоғистон Республикаси Энергетика вазирлиги ва Иордания Ҳошимийлар Подшоҳлигининг Атом энергияси бўйича комиссияси ўртасида атом энергиясидан тинч мақсадларда фойдаланиш соҳасидаги ҳамкорлик тўғрисидаги англашув меморандуми;
3. Қозоғистон Республикаси Миллий иқтисодиёт вазирлиги ва Иордания Ҳошимийлар Подшоҳлиги Саноат, савдо ва таъминот вазирлиги ўртасида ўзаро англашув ва ҳамкорлик тўғрисидаги меморандум;
4. “Самруқ-Қазна” Миллий компанияси АЖ ва Иордания Ҳошимийлар Подшоҳлиги Инвестициялар вазирлиги ўртасида ҳамкорлик тўғрисидаги битим;
5. Қозоғистон Республикаси Ишлар бошқармаси “Қозоғистон Республикаси Президентининг Телерадиокомплекси” хўжалик юритиш ҳуқуқидаги республика давлат корхонаси ва Иордания радио ва телевидение корпорацияси (Jordan Radio and Television Corporation) ўртасида ўзаро англашув ва ҳамкорлик тўғрисидаги меморандум.
Шунингдек, давлат раҳбарининг Иорданияга расмий ташрифи доирасида 10 та идоралараро ва тижорат ҳужжатлари имзоланди.
Эслатиб ўтамиз, аввалроқ Президент Иордания Ҳошимийлар Подшоҳлигига расмий ташриф билан боргани ҳақида ёзган эдик.
Давлат раҳбари Ал-Ҳусайния саройига борди.
Президент Қасим-Жомарт Тоқаев Иордания Подшоҳи билан музокаралар ўтказди.
