Польша билан ўйинда Юлия Путинцева Қозоғистонни олдинга олиб чиқди

ASTANА. Кazinform – Миллий теннис марказида Билли Жин Кинг кубоги (жамоавий жаҳон чемпионати) саралаш босқичи доирасида Қозоғистон – Польша учрашуви бўлиб ўтмоқда, дея хабар беради Kazinform мухбири.

Кортга биринчи бўлиб дунёнинг 45-рақами қозоғистонлик Юлия Путинцева ва Польша терма жамоасидан дунё рейтингида 19-ўринни эгаллаб турган Магда Линетт чиқди.

Шу пайтгача рақиблар етти марта тўқнаш келишган ва уларнинг бештасида Магда ғалаба қозонган.

Дунёнинг 1-ракеткаси Ига Швентек Астанага кела олмагани учун М.Линетт ўз жамоасининг етакчиси сифатида кўрилиши табиий эди.

Биринчи ўйинда польшалик спортчи 4:0 ҳисобида олдинга чиқиб олди. Шундан кейингина Юлия ҳисобни қисқартирди - 2:4. Ҳисоб 5:2 бўлиб турганида Магда тўпни сетга берди ва ўз имкониятидан фойдалана олмади. Шундан сўнг қозоғистонлик теннисчи кучайди - 7:5.

Кетма-кет етти геймда ғалаба қозонган Ю.Путинцева иккинчи сетни муваффақиятли бошлади – 2:0. Шундан сўнг у яна бир брейк қилди ва ҳисобни 4:1 га етказди, бироқ Линетт дарҳол ҳисобни қисқартирди. Бироқ Ю.Путинцева учрашувни навбатдаги брейк билан якунлади - 6:3.

Бир соату 46 дақиқа давом этган учрашувда Ю.Путинцева 8 та брейк-пойнтдан 6 тасини фойдаланди.

Шу тариқа Қозоғистон 1:0 ҳисобида олдинга чиқиб олди.

Шунингдек, бугун жаҳоннинг еттинчи, қозоғистонлик биринчи ракеткаси Елена Рибакина ҳамда 253-ўринни эгаллаб турган Вероника Фальковскалар ҳам баҳсга киришади.

Қолган беллашувлар эртага давом этади. Учта ғалаба қозонган жамоа жаҳон чемпионатига йўлланма олади.

Эслатиб ўтамиз, аввалроқ Қозоғистон – Польша теннис учрашувига қуръа ташлангани ҳақида хабар берган эдик.

Фото: ktf.kz

Муаллиф: Ғайсағали Сейтақ