Парижга етиб келдик, бугун Олимпия шаҳарчасида биринчи машғулотимизни бошлаймиз - Мирзағали Айтжанов

ASTANA. Kazinform — Қозоғистонлик боксчилар Франция пойтахти Париж шаҳридаги Олимпиада майдонига эсон-омон етиб келди ва дастлабки тайёргарликни бошлаб юборди. Бу ҳақда миллий терма жамоа бош мураббийи Мирзағали Айтжанов маълум қилди, деб хабар беради Kazinform мухбири.

“Парижга эсон-омон етиб келдик. Бизни аэропортда Қозоғистоннинг Франциядаги элчихонаси вакиллари кутиб олдилар. Олимпия шаҳарчасидаги муҳит ажойиб кайфият бағишлади. Меҳмонхона қулай, тоза ва озода. Бугундан бошлаб Парижда биринчи машғулотимизни бошлаймиз. Қуръа ташлаш маросими 25 июль куни бўлади. Умуман олганда, мусобақага тайёрмиз”, - деди бош мураббий.

Эслатиб ўтамиз, бокс бўйича эркаклар терма жамоаси Париж Олимпиадасида тўлиқ таркибда, яъни 7 та вазнда, аёллар жамоаси эса 3 та вазнда иштирок этади.

Эркаклар орасидан Сакен Бибосинов, Маҳмуд Сабирхан, Муҳаммедсабир Базарбайули, Асланбек Шимбергенов, ака-ука Нурбек Оралбай ва Айбек Оралбай, Қамшибек Қонқабаевлар Қозоғистон шарафини ҳимоя қилса, аёллардан Назим Қизайбай, Карина Ибрагимова ва Валентина Хальзова ҳам шу мақсадда беллашади.

Эслатиб ўтамиз, тўрт йилда бир бўладиган мусобақага йўлланмани қўлга киритган қозоғистонлик спортчиларнинг биринчи партияси Париждаги Олимпия шаҳарчасига йўл олган ҳақида хабар ёзган эдик.

Муаллиф: Кунсултан Отарбай