Парижда Демеу Жадираевни 10 минг мухлис олқишлади
ASTANА. Кazinform — Франция пойтахти Париж шаҳрида ёзги Олимпия ўйинлари доирасида спортчиларни тақдирлаш кечаси бўлиб ўтди. Унга ҳар бир жамоадан ғолиблар танлаб олинди.
Қозоғистон Миллий олимпия қўмитаси тарқатган маълумотларга кўра, ушбу маросимда Қозоғистон терма жамоасидан юнон-рум кураши бўйича 77 кг вазн тоифасида кумуш медал совриндори Демеу Жадираев иштирок этди.
— Салом, Париж! Париж Олимпиадасининг кумуш медали совриндори Демеу Жадираев Чемпионлар боғида спортчиларни тақдирлаш кечасида иштирок этди. Францияда 10 000 дан ортиқ одам кутиб олди, спортчимизни олқишлашди! - дейилади қўмита хабарида.
Эслатиб ўтамиз, Демеу Жадираев финалда япониялик Нао Кусакага 5:2 ҳисобида имкониятни бой бериб, Париж Олимпиадасининг кумуш медали билан кифояланган эди.
