Париж-2024: Батут гимнастикаси ва велоспортда Қозоғистон шарафини ким ҳимоя қилади
ASTANA. Kazinform - Бугун Франция пойтахти Париж шаҳрида бўлиб ўтадиган XXXIII ёзги Олимпия ўйинлари бошланишига роппа-роса 2 кун қолди. Шу муносабат билан бугун биз батут гимнастикаси ва велоспортнинг трек йўналиши бўйича юрт шарафини ҳимоя қилаётган спортчиларни қисқача таништириб ўтмоқчимиз.
Олимпиадага борадиган спортчилар ҳақида қисқача маълумот:
Батут гимнастикаси бўйича
Данил Александрович Мусабаев - 1998 йил 13 сентябрда Қарағанди шаҳрида туғилган.
Велоспортнинг трек йўналиши бўйича
Андрей Витальевич Чугай – 2000 йил 17 январда Ақмола вилоятида туғилган. 2019 йил эркаклар ўртасидаги Осиё чемпиони (1000 м)
Эслатиб ўтамиз, айни пайтда тўрт йилда бир бўладиган мусобақага йўлланмани қўлга киритган қозоғистонлик спортчилар сўнгги машғулотларни ўтказяптилар. Қозоғистон терма жамоаси спортнинг 25 тури бўйича Олимпия ўйинларига 92 та йўлланма қўлга киритди.
Хусусан, спортчиларимиз бокс, дзюдо, гимнастика, енгил атлетика, байдарка ва каноэда эшкак эшиш, ўқ отиш, қиличбозлик, юнон-рум кураши, эркин кураш, камондан отиш, стендда отиш, теннис, велошоссе, сузиш, замонавий бешкураш, таэквондо, велотрек, батут гимнастикаси, бадминтон, академик эшкак эшиш, бадиий гимнастика, триатлон, стол тенниси, қояга кўтарилиш ва брейкинг бўйича Олимпия ўйинларида иштирок этади.
Франция пойтахти Париж шаҳрида бўлиб ўтадиган XXXIII ёзги Олимпия ўйинлари 26 июлдан 11 августгача бўлиб ўтади. Ўйинларда 205 давлатдан 10 500 нафар спортчи иштирок этиши режалаштирилган. Унда 32 спорт туридан 329 та медаллар жамланмаси ўйналади.
