Озарбайжонда президентлик сайловида 7 номзод ўзаро курашади
Озарбайжон Марказий сайлов комиссияси (МСК) республика президентлигига яна тўрт кишининг номзодини рўйхатга олди, деб хабар беради Kazinform мухбири.
МСК йиғилишида “Буюк бунёдкорлик” партиясидан Фозил Мустафо, “Буюк Озарбайжон” партиясидан Элшjд Мусаев, Озарбайжон Ягона Халқ фронти партиясидан Гудрат Ҳасангулиев ва аввалроқ ўз-ўзини кўрсатиши тасдиқланган Фуод Алиевнинг номзодлари рўйхатга олинган.
Аввалроқ, 2023 йил 30 декабрда тузилма йиғилишида Илҳом Алиев номзоди, 8 январда эса парламент инсон ҳуқуқлари қўмитаси раиси Зоҳид Ўруж ва Миллий фронт партияси етакчиси Рози Нуруллаевномзодлари рўйхатга олинган эди.
Шу тариқа, Озарбайжон президентлигига рўйхатга олинган номзодлар сони 7 нафарга етди.
Умуман олганда, сайлов кампанияси бошланганидан буён мамлакат Марказий сайлов комиссиясига депутатликка номзодлар кўрсатиш бўйича 17 та мурожаат келиб тушган.
Озарбайжонда навбатдан ташқари президентлик сайлови 7 февраль куни бўлиб ўтади. Озарбайжонлик экспертларнинг фикрича, президентликка номзодлар орасида асосий фаворит амалдаги Давлат раҳбари “Ени Озарбайжон” партиясидан номзод Илҳом Алиев ҳисобланади.
