Осиё ўйинлари – 2025: Қозоғистон аёллар хоккей жамоаси Хитойни мағлуб этди

HARBIN. Kazinform – Қозоғистоннинг хоккей бўйича аёллар терма жамоаси Хитойда ўтаётган қишки Осиё ўйинларида муҳим ғалабани қўлга киритди.

“А” гуруҳининг иккинчи ўйинида қозоғистонлик қизлар мусобақа мезбони Хитой билан учрашди.

Биринчи босқичда томонлар бир-бирининг заиф томонларини топа олмади.

Иккинчи босқичда қозоғистонлик Александра Шегайнинг узатмасини Надежда Филимонова голга айлантирди.

Учинчи бўлимнинг 2-дақиқасида Хитой терма жамоаси ҳисобни тенглаштирди.

Ўйиннинг 48-дақиқасида Александра Шегай ғалаба келтирган шайбани рақиб дарвозасига йўллади. Якуний ҳисоб 2:1.

Эртага Қозоғистон аёллар терма жамоаси “А” гуруҳи учинчи ўйинида Жанубий Кореяга қарши майдонга тушади.