Очарчилик йилларида балиқ ортилган 14 та тарихий вагондан биттаси ҳозир Орол музейида

QYZYLORDA. Кazinform — Тарихдан маълумки, оғир дамларда Волгабўйи ва унинг атрофида очарчиликдан азият чеккан аҳолига ёрдам бериш учун Орол денгизидан 14 та вагон жўнатилган. Ана шундай вагонлардан биттаси ҳозир Орол туманидаги Балиқчилар музейида сақланмоқда.

Орол балиқчилари РСФСР Халқ Комиссарлари Совети раиси Владимир Лениннинг 1921 йил 7 октябрдаги мактубидан сўнг Волга бўйининг очарчиликдан азият чеккан аҳолисига, жумладан, 7 миллиондан ортиқ болаларга ёрдам қўлини чўздилар.

— Туманнинг Қорашалон, Қоратерен, Аманўткел, Бўген, Қамбаш, Оролқум қишлоқлари балиқчилари 3-4 кун ичида вагонларга тонналаб балиқ ортиб, Қамбаш станциясидан Волга бўйидаги аҳолига жўнатишди. У сазан, лаққа ва карп, хуллас, овга нима тушса, барчасини олган. Барчани, жумладан, аёллар ва болаларни масъулиятли ишга жалб этган. Совуқ қишда пўстин кийиб, отга ёки сигирга чана ортиб, балиқ овлашга кетганлар. Улар Қамбаш бекатига бориб, вагонларга юклашди, маҳсулотларни Волгабўйига жўнатишди, – дейди музей директори Алишер Саржанов.

Афсонавий 14 та вагондан биттаси 2021 йилда Балиқчилар хиёбони очилганда Оролга келтирилди. У шаҳар аҳолиси ва сайёҳларга тарих қаърига кириб бориш имконини берувчи қимматли ёдгорликка айланди. Музей ҳовлисида “Оролбалиқсаноат”, “T.Toхтаров”, “Т.Алимбетов” қайиқлари, “Лев Берг” тадқиқот кемаси, ўтган асрда балиқчилар томонидан қўлланилган жиҳозларни ҳам кўриш мумкин.

Эслатиб ўтамиз, аввалроқ Орол денгизи балиқлари 8 та давлатга экспорт қилиниши ҳақида хабар берган эдик.

Муаллиф: Назерке Саниязова