Нур-Султанда 19 минг киши қайта эмланди
«29 декабр ҳолатига кўра шаҳардаги юқумли касалликлар шифохоналарида 260 киши, шу жумладан, 42 киши реанимацияда ётибди. Ўпкани сунъий шамоллатиш аппаратида 14 нафар бемор бор. Мутацияга учраган вируснинг олдини олиш ва ундан ҳимояланиш мақсадида аҳолини коронавирусга қарши эмлаш ишлари давом этмоқда. Шаҳарда 485 минг киши вакцинанинг биринчи компонентини олди, 454 минг киши эмлашнинг тўлиқ курсидан ўтди», - деди бошқарма бошлиғи шаҳар ҳокимлигида ўтказилган матбуот анжуманида.
Унга кўра, эмлаш пунктлари 36 та тиббиёт ташкилотида ва «Керуен», «Абу-Даби Плаза», «Азия парк» кўнгилочар марказларда, «Еуразия» савдо марказида жойлашган.
«22 ноябр куни бутун мамлакат бўйлаб фуқароларни коронавирус инфекциясига қарши қайта эмлаш бошланди. Шу кунга қадар шаҳарда тиббиёт ходимлари, ўқитувчилари, ҳуқуқ-тартибот идоралари ходимлари, 60 ёшдан ошган ва иммунитети паст фуқаролар, тиббий-ижтимоий муассасалар ходимлари ва контингенти каби 19 минг киши эмланди. Қайта эмлаш санитария меъёрлари ва таркибий қисмларига қатъий риоя қилган ҳолда амалга оширилмоқда», - деди Тимур Муратов.
Муаллиф: Марлан Жиембай
