Numbeo: БАА ва Андорра — дунёдаги энг хавфсиз давлат

ASTANА. Кazinform — 2025 йил учун дунёнинг энг хавфсиз давлатлари рейтингида Бирлашган Араб Амирликлари (БАА) ва Андорра етакчилик қилмоқда.Бу ҳақда AZERTAG хорижий ОАВларга таяниб хабар берди.

Тақдим этилган маълумотларга кўра, бу йилги рейтингда биринчи ўринни эгаллаган давлатлар кучли ҳуқуқ-тартибот тизимлари, сиёсий барқарорлик, жиноятчилик даражаси пастлиги билан ажралиб туради. Бу омиллар уларни халқаро инвесторлар, чет элликлар ва сайёҳлар учун жозибадор қилади.

5 та энг хавфсиз давлат (хавфсизлик индекси балл билан):

1. БАА – 85,2
2. Андорра – 84,8
3. Қатар – 84,6
4. Тайван – 83
5. Ўмон – 81,8

Энг хавфли 5 та давлат:

Бу мамлакатлар сиёсий беқарорлик, заиф ҳуқуқни муҳофаза қилиш тизимлари ва юқори жиноятлар билан ажралиб туради:

1. Папуа-Янги Гвинея – 19.3
2. Венесуэла – 19,5
3. Гаити – 19
4. Афғонистон – 24,8
5. Жанубий Африка – 25,4

Бу мамлакатлар аҳолиси ва сайёҳлар кўпинча ўғирлик, ҳужум ва қуролли зўравонлик хавфи юқорилигидан шикоят қиладилар.

АҚШ ва Буюк Британия:

• АҚШ – 50,8 балл, 91-ўрин
• Буюк Британия – 51,76 балл, 86-ўрин

Ҳар икки давлатда ҳуқуқий тизимлар ва жамоат хавфсизлигини таъминлаш учун катта бюджетлар ишлаб чиқилган бўлса-да, хавфсизлик индекси ўтган йили жиноятчиликнинг кўпайиши, айниқса йирик шаҳарларда, аҳолининг полицияга бўлган ишончининг пасайиши ва АҚШда қуролли ҳужумлар қўрқуви туфайли пасайиб кетди.

Numbeo хавфсизлик индекси - бу фойдаланувчилар ўз мамлакатидаги хавфсизлик даражаси ҳақида ўзларини қанчалик қулай ҳис қилишлари кўрсаткичи. Индекс турли омилларга, жумладан, жиноятчилик даражаси ва хавфсизлик ҳақидаги умумий тасаввурларга асосланади. Бу йилги рейтингга 146 давлат киритилган.

Эслатиб ўтамиз, аввалроқ Копенгаген дунёдаги энг бахтли шаҳар деб топилгани ҳақида хабар берган эдик.