Ноябр ойининг ўрталарида дунё аҳолиси 8 млрд кишига этади - БМТ

ASTANA. Kazinform – Ноябр ойи ўрталарида дунё аҳолиси сони 8 миллиард кишига етиши тахмин қилинмоқда. Бу ҳақда БМТ бош котиби Антониу Гутерришнинг ОАВга қилган мурожаатида айтилди, дея хабар беради Kazinform БМТ ахборот хизматига таяниб.

У ерда БМТ раҳбари аҳоли ўсиш суръатлари энг юқори бўлган мамлакатлар яқин ўн йилликларда барқарор ривожланиш ва фаровонлик локомотивларига айланишига умид билдирди.

«Ноябр ойи ўрталарида дунё аҳолиси сони саккиз миллиардга этади – бу овқатланиш, соғлиқни сақлаш ва санитария соҳасидаги илмий ютуқларнинг исботидир», - деди БМТ раҳбари.

Шу билан бирга, унинг таъкидлашича, бу демографик ютуқлар миллиардлаб одамларнинг оғир шароитларда яшаётгани, юзлаб миллионлар тўйиб овқатланмаслиги ва ҳаттоки очликдан азоб чекаётгани билан боғлиқ. Кўп одамлар уруш ва иқлим офатлари туфайли ўз уйларини тарк этишга мажбур.

«Агар бойлар ва камбағаллар ўртасидаги тафовутни йўқотмасак, саккиз миллиард аҳоли яшайдиган дунёда кескинлик ва ишончсизлик, инқироз ва можаролар давом этади», - дея огоҳлантирди БМТ Бош котиби.

Унинг таъкидлашича, бир неча миллиардерлар инсониятнинг энг камбағал ярмига тенг бойликни назорат қилади. Дунёдаги энг бой одамларнинг бир фоизи дунё даромадининг бешдан бир қисмини ташкил қилади. Энг бой мамлакатлар аҳолиси энг қашшоқ мамлакатлардаги одамларга қараганда 30 йил кўпроқ яшаши мумкин. Шу билан бирга, дунё аҳолиси фаровонлигининг ўсиши ва соғлиқни сақлаш соҳасидаги кўрсаткичларнинг яхшиланиши туфайли тенгсизлик кўринишлари кучайиб бормоқда.

Фото: news.un.org