Новак Жокович Париж Олимпиадасида қатнашадиган бўлди

ASTANA. Kazinform – “Катта дубулға” турнирининг 24 карра чемпиони, дунёнинг 3-ракеткаси 37 ёшли Новак Жокович Париж Олимпиадасида иштирок этади.

Сербия Миллий олимпия қўмитаси хабарига кўра, 33 ёшли Душан Лайович Н.Жокович билан бирга Парижда баҳс олиб боради.

Шу ой бошида Жокович жароҳат олиб, Ролан Гаррос турнирини тарк этганди. Ҳозирда у жарроҳлик амалиётидан кейин тузалмоқда.

Унинг Уимблдондаги иштироки ҳозирча номалум.

Теннис бўйича Олимпия турнири 27 июлдан 4 августга қадар тупроқли кортларда бўлиб ўтади.

Новак Токио Олимпиадасида 4-ўринни эгаллаган.

Россия теннис федерацияси ҳам Олимпиадада иштирок этадиган теннисчилар рўйхатини эълон қилди.

Дунёнинг 5-ракеткаси Даниил Медведев бошчилигидаги россиялик теннисчилар нейтрал давлат номидан баҳсларга киришади.

Эслатиб ўтамиз, аввалроқ Юлия Путинцева Бирмингем турнирини яккалик баҳсларида ғалаба билан бошлагани ҳақида ёзган эдик.