Норвегиялик фермер 1000 йиллик қилични топиб олди
ASTANА. Кazinform - 27 май куни Ойланд Ловра ва унинг ўғли Рогаланд округидаги бўш майдонни тозалаш вақтида қимматбаҳо ёдгорлик топиб олди.
Юланднинг ўғли аввалига занглаган темирга унчалик аҳамият бермай, уни ташламоқчи бўлди. Бироқ, Ойланд темирни синчковлик билан кўздан кечирди ва унинг Викинг давридаги қилич эканлигини тушунди.
Фермага ташриф буюрган Ставангер университети археологлари Ойланд топилмаси жуда қимматли деган хулосага келишди. Бу Рогаланд округида топилган биринчи қиличдир.
Қилич эрамизнинг 900-1050 йилларида ясалган. Сўнгги минг йилликда қилич юзи узунлигининг ярмидан камроғи (тахминан 37 сантиметр) сақланиб қолган.
Ноёб артефактни рентген нурлари билан текшириш натижасида унинг дастасида хоч тасвири ва Ульфберт ёзуви борлиги аниқланди. Олимларнинг фикрича, бу қилич ўрта асрларнинг бошларида машҳур бўлган Викинг қиличларидан бири бўлиши мумкин.
Ульфберт ўша пайтда Франклар империяси ҳудудида сифатли қилич ясаган устанинг номи бўлиши мумкин. Айтиш жоизки, ҳозиргача 170 га яқин ана шундай қиличлар топилган. Кўпинча Скандинавия мамлакатларида қайд этилган. Бироқ, олимларнинг фикрича, сўнгги минг йилликда Ульфберт ёзуви бўлган қуроллар бутун Европага тарқалди.
