Нигериянинг собиқ президенти Муҳаммаду Бухарининг вафоти ҳақида хабар берилди

PRAETORIA. Kazinform – Нигериянинг собиқ президенти Муҳаммаду Бухари 83 ёшида Лондондаги шифохонада вафот этди. Бу ҳақда мамлакатнинг аввалги раҳбари матбуот котиби Гарба Шеху маълум қилди, деб хабар беради ТАСС.

«Собиқ президент Муҳаммаду Бухарининг оиласи унинг вафот этганини эълон қилди», — деб ёзди у X ижтимоий тармоғида.

Муҳаммаду Бухари 2015 йилдан 2023 йилгача Нигерия президенти лавозимида фаолият юритган. GhanaWeb портали маълумотига кўра, унинг ҳокимиятдаги сўнгги бир неча йили саломатлиги билан боғлиқ муаммолар сабаб мураккаб кечган. Шунинг учун у кўп ҳолларда узоқ муддатли даволаниш учун Буюк Британияга йўл олган.