Наврўз байрами муносабати билан ўзбекистонликлар неча кун дам олади

TASHKENT. Kazinform - Ўзбекистонда Рамазон ҳайити ва Наврўз байрамида ҳафтасига 5 кун ишлайдиганлар 4 кун, яъни 20−23 март саналарида, ҳафтасига 6 кун ишлайдиганлар 3 кун, яъни 20−22 март саналарида дам олади.

Ҳафтасига беш кун ишловчи ўзбекистонликлар Рамазон ҳайити ва Наврўз байрами муносабати билан кетма-кет 4 кун дам олади, дея хабар беради ЎР Адлия вазирлиги.

Меҳнат кодексига мувофиқ, байрам санаси дам олиш кунларига тўғри келиб қолса, дам олиш куни кейинги иш кунига кўчирилади.

Шунга кўра, ҳафтада 5 кун ишлайдиганлар 4 кун дам олади:

• 20 март, жума — Рамазон ҳайити куни;
• 21 март, шанба — Наврўз байрами куни;
• 22 март, якшанба — дам олиш куни;
• 23 март, душанба — байрамдан кўчирилган қўшимча дам олиш куни.
  
  

Ҳафтада 6 кун ишлайдиганлар эса 3 кун дам олади:

• 20 март, жума — Рамазон ҳайити куни;
• 21 март, шанба — Наврўз байрами куни;
• 22 март, якшанба — дам олиш куни.