Мьянмадаги зилзила қурбонлари сони 3 мингдан ошди

ASTANA. Kazinform - Мьянмадаги кучли зилзила қурбонлари сони 3085 кишига етди. Бу ҳақда Синьхуа агентлиги хабар беради.

Мьянма ҳарбий хунтасидан олинган маълумотларга кўра, 3 апрель ҳолатида зилзила қурбонлари сони 3085 кишига етган, яна 4715 киши жароҳат олган.

Аввалроқ, Мьянма қирғоқларида яна зилзила содир бўлгани ҳақида хабар берган эдик.

Эслатиб ўтамиз, 28 март куни Мьянмада 7,9 магнитудали зилзила содир бўлган эди.

Маълумки, зилзиладан жабр кўрган ҳудудларда фавқулодда ҳолат эълон қилинган.

Ўша куни зилзила 50 дан ортиқ одамнинг ҳаётига зомин бўлгани аниқланди. Бироқ кечки пайт ҳалок бўлганлар сони 144 нафарга етди.