Мьянмада зилзилалар кузатилди: 36 та афтершок қайд этилди

ASTANА. Кazinform – Мьянмада магнитудаси 2,8 дан 7,5 гача бўлган 36 та афтершок қайд этилди. Бу ҳақда Мьянма метеорология ва гидрология департаменти маълум қилди, дея хабар беради Xinhua.

Афтершоклар 7,9 магнитудали кучли зилзила ортидан содир бўлган. У ўтган жума куни маҳаллий вақт билан 12:51 да содир бўлган эди.

Аввалроқ Мьянмадаги зилзила қурбонлари сони 2 мингдан ошгани, 3,9 минг киши жароҳат олгани хабар қилинганди.

Эслатиб ўтамиз, Мьянма бош вазири мамлакатда бир ҳафталик миллий мотам эълон қилган эди.

Мьянмадаги зилзиланинг эҳтимолий сабаблари ҳам тилга олинди.

Малайзия ва Таиланд ташқи ишлар вазирлари Мьянмага ташриф буюришади.