Мустақиллигимиздан юксак ҳеч нарса йўқ – Президент
ASTANА. Кazinform – Давлат раҳбари Қасим-Жомарт Тоқаев Қозоғистон халқини Мустақиллик куни билан табриклади.
- Ҳурматли ватандошлар!
Сизларни Мустақиллик куни билан табриклайман!
Бу кун халқимизнинг озодлик орзуси рўёбга чиққан, давлатчилик анъаналаримиз тикланган кундир. Ана шундай қутлуғ айёмда аждодларимиз меросига доимо содиқ бўлиш, эл-юрт келажаги учун катта масъулият билан ёндашиш муҳимлигини барчамиз чуқур англаймиз. Зеро, шонли Мустақиллигимиз барча учун умумий қадрият ва барча фаровонлигимиз замирида турган бебаҳо бойликдир. Мустақиллигимиздан юксак ҳеч нарса йўқ. Уни кўз қорачиғидек асраш ҳар бир фуқаронинг фарзандлик бурчидир.
Бугун Қозоғистон халқаро миқёсда юксак нуфузга эга, стратегик йўналиши аниқ давлат сифатида эртанги кунга ишонч билан қадам ташламоқда. Халқимиз машаққатли меҳнати, мустаҳкам ҳамжиҳатлиги туфайли бунга эришди. Ана шу муборак бирликни, жамиятдаги тинчлик ва барқарорликни асраб-авайлаш орқали барча қийинчиликларни енгамиз. Мустақил мамлакатимиз бундан кейин ҳам маданиятли ва илғор давлат сифатида тараққий этади.
Барчангизга сиҳат-саломатлик ва улкан муваффақиятлар тилайман!
Севимли ватанимиз равнақ топсин! – дейилади табрикда.
