Мурманскда номаълум шахс турар жой биносининг томидан ўқ узди
ASTANА. Кazinform - Ҳодиса Мурманскдаги Кольский проспектида юз берди. Бу ҳақда BBC News хабар берди.
Мурманск вилояти губернатори Андрей Чибиснинг маълум қилишича, номаълум шахс турар жой биноси томидан ўқ узган.
— Ҳуқуқ-тартибот идоралари ишламоқда. Биз ушбу ҳудудда яшовчи ёки саёҳат қилаётган барчадан хотиржамликни сақлашни ва хавфсизлик чораларига риоя қилишни сўраймиз: чироқларни ўчиринг, деразалардан узоқроқ туринг ва “қизиқарли” видео учун ҳаётингизни хавф остига қўйманг, — деб ёзди Чибис Теlegram-каналида.
Маҳаллий «Мурманск сейчас» Теlegram-каналининг хабар беришича, отишма Кольский проспекти 10-уйдаги ётоқхона томидан амалга оширилган ва бир ярим соатдан бери давом этган.
Полиция ҳозирча гумонланувчини ушлай олмади: нашрга кўра, томга чиқиш учун фақат битта люк бор, бу эса ҳуқуқ-тартибот идоралари ходимларига қийинчилик туғдирмоқда.
Воқеа жойидаги гувоҳларнинг айтишича, жароҳатланганлар бор.
Расмийлар жабрланганлар ҳақида маълумот бермаган.
