Москвадаги кўп қаватли уйда портлаш содир бўлди, қурбонлар бор

ASTANA. Kazinform - Москва жануби-ғарбидаги Генерал Тюленев кўчасидаги 39-сонли турар-жой биносида портлаш ва ёнғин содир бўлди. Фавқулодда ҳодиса натижасида икки киши ҳалок бўлди, дея хабар беради Kazinform агентлиги ТАССга таяниб.

Вафот этганлар тўққизинчи қаватнинг балконидан топилган.

Россия Фавқулодда вазиятлар вазирлиги маълумотларига кўра, олти киши жароҳат олган. Вояга етган бир кишининг аҳволи оғир, қолган жароҳатланганларнинг аҳволи ўртача оғирликда баҳоланяпти. Улар тўртта касалхонага ётқизилган. Қўшнилар болани ёнаётган квартирадан қутқариб қолдилар, у квартирада яшовчилар орасидан омон қолган ягона одам бўлиб чиқди.

Портлаш эпицентри тўққизинчи қаватдаги квартирада бўлган, томнинг бир қисми каби вайрон қилинган. Ёнғин саккизинчи ва тўққизинчи қаватдаги иккита хонадонда содир бўлган.

Ёнғин майдони 100 квадрат метрни ташкил этди.

Бино аҳолисининг бир қисми эвакуация қилинган ва яқин атрофда ташкил этилган вақтинчалик жойлаштириш марказига юборилган. «Мосгортранс» эвакуация қилинган аҳолига вақтинчалик шароит яратиш учун иккита катта автобус юборди.

Бу уйда 1,5 йил аввал ёнғин содир бўлган, ёнғин нима сабабдан содир бўлганлиги юзасидан суд жараёнлари давом этмоқда, деди бу уйда яшовчилардан бири.