Мирзағали Айтжанов: Энг кучли спортчилар Олимп чўққисига чиқади

ASTANА. Кazinform - Бокс бўйича Қозоғистон терма жамоаси Туркистон вилоятидаги “Алма-тау” базасида Париж Олимпиадаси олдидан сўнгги йиғинни ўтказмоқда, деб хабар беради Olympic.kz.

Жамоа бош мураббийи Мирзағали Айтжанов спортчилар формада эканлигини айтиб, барча боксчилардан умид қилишини маълум қилди.

“Ҳозир кўпчилик мендан жамоада ким фаворит, деб сўраяпти. Олимпиада олдидан боксчиларни бу тарзда ажратиб бўлмайди. Чунки Олимпиаданинг руҳи бошқача. Бу мусобақа бошқа мусобақаларга ўхшамайди. Шундай экан, энг кучли спортчилар Олимп чўққисига чиқади. Жамоамиздаги барча йигитлар яхши. Ҳеч ким Олимпиадага ютқазаман деб бормайди. Бундан ташқари, фақат еттита вазн тоифаси мавжуд. Ғалаба қозониш анъаналаримизни давом эттириб, Париждаги мухлисларни хурсанд қилишимизга ишонаман. Ҳозир жамоада тўртта жаҳон чемпионати, иккита Олимпия ўйинлари совриндори бор. Ҳамма йигитлар тажрибали. Энди тажрибани маҳорат билан уйғунлаштириб, Олимпиадада яхши ўйин кўрсатиш қолди”, — дейди бош мураббий.

Бокс бўйича Қозоғистон терма жамоаси Париж Олимпиадасига тўлиқ таркиб билан боради.

Париж Олимпиадасига борадиган спортчилар:

51 кг: Сакен Бибосинов

57 кг: Маҳмуд Сабирхан

63,5 кг: Муҳамедсабир Базарбайули

71 кг: Асланбек Шимбергенов

80 кг: Нурбек Оралбай

92 кг: Айбек Оралбай

+92 кг: Қамшибек Қонқабаев