Миллий кенгаш жамият ишончини оқлай олишини исботлади - Қасим-Жомарт Тоқаев

NUR-SULTAN. Kazinform – Миллий жамоатчилик ишончи кенгаши жамият ишончини оқлай олишини исботлади. Бу ҳақда бугун Кенгашнинг иккинчи мажлисида ҚР Президенти Қасим-Жомарт Тоқаев айтиб ўтди, деб хабар беради Kazinform мухбири.

«Миллий кенгаш котибияти менга ҳисобот берди. Бу борада ҳокимиятнинг мулоқот ўрнатиш ва ислоҳотлардан манфаатдорлигига ҳеч ким шубҳа қилмаса керак деб ўйлайман. Кўпчилигингиз билан алоҳида учрашдим. Таклифларингиз ва ташаббусларингизни ўрганиб чиқдим, бирқатор масалалар бўйича фикр алмашдик», - деди Давлатимиз раҳбари.

Қозоғистон Президенти Миллий кенгаш аъзолари фаол мунозара юритганига тўхталди.

«Таъкидлаш жоизки, бирқатор долзарб масалалар бўйича умумий фикрга тўхталдик. Бу демократияни мустаҳкамлаш ва жамиятнинг давлат ҳокимиятига бўлган ишончини оширишга сезиларли ижобий таъсир кўрсатади деб ҳисоблайман. Бизнинг тажрибамиз халқаро эътирофларга сазовор бўлмоқда. Кўпчилик уни маъсулиятли мулоқотнинг намунаси сифатида кўрмоқда. Энг муҳими, Миллий кенгаш жамият ишончини оқлай олишини кўрсатди», - деди Президент.

Муаллиф: Марлан Жиембай