Микро RNKларни кашф этган олимлар тиббиёт бўйича Нобель мукофотига сазовор бўлдилар
ASTANA. Kazinform - Тиббиёт бўйича Нобель мукофоти бу йил кимларга насиб қилди. Улар — америкалик олимлар Виктор Амброз ва Гари Рувкун. Ушбу тадқиқотчилар микро RNKларни кашф этгани ва уларнинг ген экспрессиясини транскрипциядан кейинги тартибга солишдаги ролини ўрганганлари учун ушбу нуфузли мукофотга эга бўлди.
Бу ҳақда ушбу мукофотни топширувчи Стокгольмдаги Қироллик Каролинска тиббий-жарроҳлик институти томонидан маълум қилинди.
Эслатиб ўтамиз, айни пайтда Нобель мукофоти миқдори 11 миллион швед кронасини (тахминан 900 минг евро) ташкил этади. У тиббиёт бўйича жами 114 марта ўз совриндорларига берилган ва 2023 йилгача 227 нафар ғолиб аниқланган.
BREAKING NEWS
— The Nobel Prize (@NobelPrize) October 7, 2024
The 2024 #NobelPrize in Physiology or Medicine has been awarded to Victor Ambros and Gary Ruvkun for the discovery of microRNA and its role in post-transcriptional gene regulation. pic.twitter.com/rg3iuN6pgY
