Михаил Кукушкин кетма-кет иккинчи бор челленжер турнирининг чемпиони бўлди

ASTANA. Кazinform — Қозоғистонлик, дунёнинг 165-ракеткаси 36 ёшли Михаил Кукушкин Тенерифе (Испания) шаҳрида ўтказилган челленжер турнирида чемпион бўлди.

Мусобақанинг саралаш босқичларидан финалга қадар етиб борган қозоғистонлик теннисчи жаҳоннинг 156-ракеткаси, 22 ёшли италиялик Маттео Гиганте билан бош соврин учун баҳслашди.

Рақиблар учрашувни брейк билан бошлашди. Бироқ дублга эришган тажрибали М.Кукушкиннинг устунлиги яққол кўринди - 6:2.

Иккинчи сетда қозоғистонлик спортчи 2:0 ҳисобида олдинга ўтди. Шундан сўнг М. Гиганте учрашувни давом эттиришдан бош тортди.

Қарийб бир соат давом этган мусобақада М.Кукушкин 3 та эйс амалга оширди ва 7 та брейк-пунктдан 4 тасидан фойдаланди.

Манамадаги (Баҳрайн) челленжер турнирида энг яхши натижа қайд этган қозоғистонлик теннисчи ғалабали сериясини 12 ўйинга етказди.

Ушбу муваффақият туфайли Михаил Кукушкин ATP Live рейтингида 140-ўринга кўтарилди.

Эслатиб ўтамиз, аввалроқ Михаил Кукушкин Испанияда кетма-кет 11 учрашувда ғалаба қозониб, финалга чиққани ҳақида хабар берган эдик.

Дмитрий Попко Аргентинадаги турнирда финалга чиқди.