Мексикада қадимий қабрлар, инсон скелетлари ва 1 мингдан ортиқ артефактлар топилган

Мексиканинг марказий қисмидаги Сан-Андрес Чолула шаҳрида олиб борилган археологик қазишмалар натижасида 11 та махфий қабр, 14 та инсон скелети ва 1000 дан ортиқ қадимий ашёлар топилди.

Бу ҳақда Мексика миллий антропология ва тарих институти (INAH) баёнотида айтилди, дея хабар беради Кazinform Аnadolu агентлигига таяниб.

Хабарда айтилишича, топилмалар кейинги постклассик даврга тегишли.

Топилган инсон суяклари ва керамика буюмларига дафн этилганидан бери тегилмаган.

Археолог Серхио Суареснинг фикрича, топилган ашёлар бебаҳо ва тарихий бойликдир.

Археологлар суяклари топилган одамларнинг ҳаёти қандай бўлганини аниқлаш учун таҳлиллар ўтказдилар. Бу ҳақда жисмоний антропология бўйича мутахассис Мартин Эрнандес хабар берди.