Майк Тайсон ўзидан 31 ёш кичик боксчи билан жанг ўтказмоқчи

ASTANА. Кazinform - Афсонавий боксчи Майк Тайсон (50-6-0,44КО) профессионал рингга қайтишни режалаштирмоқда.

Boxingscene.com сайтининг хабар беришича, 58 ёшли Майк Тайсон 15 ноябрь куни Арлингтондаги (АҚШ) АТ&Т стадионида аренага қайтади ва ўзидан 31 ёш кичик машҳур блогер Жейк Пол (10-1-0,7КО) билан жанг қилади.

Жанг профессионал бокс қоидалари бўйича 8 раундга мўлжалланган, Netflix платформасида намойиш этилади.

 

Mike Tyson shoves Jake Paul 👀

This fight is going to be WILD 🔥🍿 pic.twitter.com/KWXNe8Qzix

— Bleacher Report (@BleacherReport) August 18, 2024

Эслатиб ўтамиз, Майк Тайсон 2005 йилда профессионал фаолиятини якунлаган эди. У WBA, IBF ва WBC йўналишлари бўйича оғир вазн тоифасида жаҳон чемпиони бўлган.

2020 йилда Майк Тайсон машҳур боксчи Рой Жонс билан жанг ўтказиб, жанг дуранг билан якунланган эди.

Жейк Пол - Америкадаги машҳур блогер. У блогер ва ҳаваскор боксчи бўлиб, профессионал боксда ММА бўйича собиқ чемпионлар билан жанг қилган.

Эслатиб ўтамиз, Тайсон - Пол жанги 20 июль куни бўлиб ўтиши керак эди. Бироқ жанг Майк Тайсоннинг соғлиғи туфайли қолдирилди.