Март ойидан бери 500 минг фаластинлик қочқинга айланди
ASTANA. Kazinform – 18 март куни Исроил Ғазога ҳужумларини қайта бошлади. Ўшандан бери 500 минг фаластинлик ўз уйларини тарк этишга мажбур бўлди. Бу ҳақда БМТнинг гуманитар масалаларни мувофиқлаштириш бошқармаси маълум қилди, деб ёзади Anadolu.
Фаластиннинг WAFA ахборот агентлигига кўра, ҳужумлар қайта бошланганидан бери ярим миллионга яқин фаластинлик қочқинга айланган.
Бирлашган Миллатлар Ташкилоти 2025 йил 19 январда муваққат оташкесимга эришилгунга қадар юз минглаб фаластинликлар уйларини тарк этганини эслатди.
Ҳужумлар қайта бошланганидан бери 1652 фаластинлик ҳалок бўлди, уларнинг аксарияти аёллар, болалар ва қариялар. Яна 4391 киши жароҳатланган.
2023 йил 7 октябрдан буён Исроилнинг Ғазо секторига уюштирган ҳужумларида ҳалок бўлган фаластинликлар сони 51 минг 25 нафарга етди, 116 минг 432 нафари яраланди.
Ғазода ҳалок бўлган фаластинликлар сони 51 мингга етгани ҳақида аввал хабар берган эдик.
Франция раҳбари гуманитар ёрдам етказиш учун назорат пунктларини очишга чақирди.
