Марказий Осиё давлатларининг минтақавий ўзига хослиги шаклланмоқда - Қирғизистон Давлат котиби
«Бундай оғир йил якунида биз меҳмондўст Астанада йиғиляпмиз. СССР парчаланганидан сўнг Марказий Осиёнинг бешта давлати дарҳол мустақилликка эришдилар ва ўзларининг ривожланиш модели ва стратегик мақсадларини белгилаш билан фаол шуғулландилар. Бу осон йўл эмас. Тўғрисини айтсам, ўша йилларда минтақавий ўзига хослик четга қўйилган, ҳамма ўзининг ички муаммоларига эътибор қаратган. Мустақилликнинг 30 йилида Марказий Осиёнинг барча давлатлари халқаро ҳамкорликни йўлга қўйиб, катта ривожланиш жараёнини босиб ўтди», — деди Қирғизистон Республикаси Давлат котиби форумда.
Суйинбек Касмамбетов Марказий Осиёда манфаатдор барча ташқи ўйинчилар билан ўзаро алоқалар йўлга қўйилганини таъкидлади.
«Улар: Хитой, Туркия, Россия, Европа Иттифоқи, АҚШ, Ҳиндистон, Япония, Корея, Эрон. Аммо асосий муаммо шундаки, улар минтақага нисбатан ўз қарашларига эга. Бизда бундай умумий қараш йўқ. Минтақа сифатида биз кимнингдир кун тартибида ҳаракат қиляпмиз», - деди у.
Шу муносабат билан маърузачи Марказий Осиё давлатларининг интеграциялашуви, минтақавий ўзига хослик, умумий маданий меросни рўёбга чиқариш масалаларига тўхталди.
«Биз географик жиҳатдан бирлашганмиз, тил илдизларимиз, тарихимиз, маданиятимиз ва мусулмон дунёси билан боғлиқмиз. Айни пайтда минтақавий ўзлигимиз шаклланиш босқичида. 30 йил ичида биз ҳали ҳам ягона геосиёсий объектга айланганимиз йўқ. Шунинг учун умумий маданий илдизлардан хабардор бўлиш керак. Менимча, бу мавзуда муҳокамани бошлаш керак. Тарихий ўзига хослик онгига қайтиш учун интеллектуал элитани мулоқотга жалб қилиш керак», - дейди С.Касмамбетов.
Муаллиф: Айжан Серикжанқизи
