Марк Рютте НАТО бош котиби бўлади

Нидерландиянинг собиқ бош вазири Марк Рютте альянснинг барча 32 аъзоси Йенс Столтенберг ўрнини эгаллашга рози бўлгач, НАТОнинг навбатдаги бош котиби бўлади, деб хабар беради Каzinform.

Сешанба куни Венгрия ва Словакия томонидан маъқулланганидан кейин Руминия пайшанба куни Рюттени қўллаб-қувватлашини тасдиқлади.

Politico газетасининг ёзишича, М.Рютте муҳим паллада НАТО раҳбариятини қабул қилади. У жорий йилнинг 2 октябрида, АҚШ сайловларига бир ойдан сал кўпроқ вақт қолганда ўз лавозимига киришади.

Июль ойида НАТО етакчилари альянснинг 75 йиллигини нишонлаш учун Вашингтонга боради.

М.Рюттенинг НАТОдаги энг юқори лавозимга номзоди бўйича музокаралар узоқ давом этди. Улар ўтган йилнинг ноябрь ойидан бери давом этмоқда.

2017 йилда иттифоқчилар бош котиб Й.Столтенберг (Норвегия) ваколат муддатини 2020 йил сентябрь ойи охиригача узайтиришга қарор қилишди. 2019 йилда улар бу санани 2022 йил сентябрига кўчиришди.

"Ишончим комилки, альянс яхши ворис топади", – деди ўтган ҳафта Й.Столтенберг.