Малави вице-президенти бўлган самолёт радардан ғойиб бўлди
Малави вице-президенти Саулос Чилима бўлган самолёт Лилонгведан ҳавога кўтарилганидан сўнг радарлар экранидан ғойиб бўлди, деб хабар беради Kazinform ТАСС агентлигига таяниб.
Президент девони баёнотига таянган ВВС хабарига кўра, бортда яна тўққиз киши бор.
Малави радиоэшиттириш корпорацияси маълумотларига кўра, самолёт пойтахт аэропортидан соат 09:17 да (Астана вақти билан 12:17) кўтарилган ва мамлакат шимолидаги Мзузу аэропортига 10:02да (Астана вақти билан 13:02) қўниши керак эди, лекин радарлар экранларидан ғойиб бўлди. Диспетчерлар алоқа ўрнатолмади. Ҳозирда қидирув-қутқарув ишлари олиб борилмоқда.
Айни пайтда Малави президенти Лазарус Чаквера вице-президент Саулос Чилиманинг самолёти радарлардан ғойиб бўлиши ортидан қидирув-қутқарув операциясини ўтказишни буюрди.
"Президент Чаквера <...> Багама оролларига режалаштирилган жўнаб кетишини бекор қилди ва барча минтақавий ва миллий идораларга самолёт жойлашган жойни аниқлаш учун зудлик билан қидирув-қутқарув операциясини ўтказишни буюрди", – дейилади Президент ва Вазирлар Маҳкамаси котиби баёнотида.
