Лос-Анжелесда комендантлик соати жорий этилади

ASTANA. Kazinform — Лос-Анжелес мэри Карен Басс АҚШнинг иккинчи йирик шаҳри бўлган Лос-Анжелес марказида комендантлик соати жорий этилишини маълум қилди, деб хабар беради Синьхуа.

Чекловлар соат 20:00 дан бошлаб (03:00 GМТ) маҳаллий вақт бўйича 6:00 (GМТ 13:00)гача давом этади.

Комендантлик соати тахминан 1 квадрат миль майдонни қамраб олади.

Карен Басс таъкидлаганидек, бу қарор душанба оқшомидаги тинч намойишдан кейин бошланган талончилик ва вандализмга жавобан қабул қилинган.

Лос-Анжелес полиция департаменти маълумотларига кўра, комендантлик соати ҳудуд аҳолиси, уйсизлар, оммавий ахборот воситалари ходимлари, жамоат хавфсизлиги ва фавқулодда вазиятлар ходимларига тааллуқли бўлмайди.

Карен Басс АҚШ Иммиграция ва божхона назорати (ICE) рейдларига қарши намойишлар бешинчи кун давом этар экан, шундай қарорга келди.

Маҳаллий оммавий ахборот воситаларининг хабар беришича, намойишчилар 101 автомобиль йўлини тўсиб, икки йўналишда ҳам ҳаракатни тўхтатган. Бу комендантлик соати жорий этиш тўғрисидаги буйруқ чиқарилишидан олдин содир бўлган.

Аввалроқ Трамп намойишчилар ўртасидаги тўқнашувлардан сўнг Лос-Анжелесга Миллий гвардияни жўнатгани хабар қилинганди.

Гигант Америка бир неча кундан бери нотинч. Трамп маъмуриятининг иммиграция сиёсатига қарши норозилик намойишлари кучайди.