Лионель Месси Америка Кубогида рекорд ўрнатди

ASTANA. Kazinform – Лионель Месси бошчилигидаги Аргентина терма жамоаси Америка кубогини ғалаба билан бошлади. Улар биринчи турда Канадани 2:0 ҳисобида мағлуб этишди.

Учрашувда Аргентина терма жамоасидан Хулиан Альварес 49-дақиқада ҳисобни очган бўлса, 88-дақиқада Лаутаро Мартинес гол урди.

Бу ўйинда жаҳон футболи юлдузи Лионель Месси голли узатмани амалга оширди. У ушбу турнирда 35 та ўйин ўтказиб, рекорд ўрнатган.

Қайд этиш керакки, у Америка Кубогида кетма-кет еттинчи марта иштирок этаётган илк аргентиналик футболчи ҳисобланади.

Аргентина терма жамоаси ўн беш марта Америка кубогини қўлга киритган. Худди шу кўрсаткич Уругвайга ҳам тегишли.

2021 йилги Америка Кубогида Аргентина кубокни кўтарди.

Бу йил Америка кубоги АҚШнинг 14 шаҳрида 20 июндан 14 июлга қадар бўлиб ўтади.

Жами 16 та жамоа тўрт гуруҳга бўлинган. Аргентина, Перу, Чили, Канада “А” гуруҳидан, Мексика, Эквадор, Венесуэла, Ямайка “В” гуруҳидан, АҚШ, Уругвай, Панама, Боливия “C” гуруҳидан, Бразилия, Колумбия, Парагвай, Коста-Рика “D” гуруҳидан жой олган.

Эслатиб ўтамиз, 20 июнь куни "B" гуруҳида Испания Италияни 1:0 ҳисобида мағлуб этган бўлса, "C" гуруҳида Словения ва Сербия, Англия ва Дания 1:1 ҳисобида дуранг ўйнаганди.