Лихтенштейнда ҳукуматни илк бор аёл киши бошқаради
ASTANА. Кazinform — Бригитта Хааснинг “Ватан иттифоқи” партияси Лихтенштейндаги сайловларда 38 фоиздан кўпроқ овоз тўплади, деб хабар беради Кazinform агентлиги мухбири.
Якшанба куни Лихтенштейн халқи адвокат Б. Хааснинг ҳукуматга раҳбарлик қилиши учун овоз берди. Унинг “Ватан иттифоқи” партияси 38,3 фоиз овоз олиб, 27,5 фоиз билан иккинчи ўринни эгаллаган “Прогрессив фуқаролик” партиясидан сезиларли ўзиб кетди.
Энг йирик партия анъанавий тарзда мамлакат бош вазирини тайинлайди.
Шаҳзода Ханс-Адам II давлат раҳбари, лекин унинг тўнғич ўғли шаҳзода Алоиз 2004 йилдан бери регент сифатида унингвазифасини бажариб келмоқда. У 2003 йилги референдумдан бери монархияга кўпроқ ваколат берган қонунларга вето қўйиш ҳуқуқига эга.
Овоз беришда 16 минг 171 сайловчи иштирок этиб, сайловчиларнинг 76,3 фоизи иштирок этди.
Аввалроқ Шимолий Македониянинг биринчи аёл президенти расман ўз лавозимига киришган эди.
