Қувайт Қозоғистонга мунтазам рейсларни йўлга қўяди
Давлатимиз раҳбарининг топшириғини бажариш доирасида Қувайт авиакомпанияларига Қозоғистоннинг 11та аэропортига (Нур-Султан, Алмати, Чимкент, Ақтау, Қарағанди, Ўскемен, Павлодар, Кўкшетау, Тараз, Петропавл, Семей) «очиқ осмон» режими орқали парвозларни амалга оширишга рухсат берилди. Шунинг натижасида икки мамлакатнинг белгиланган авиакомпаниялари ҳафтасига 14та мунтазам йўловчилар рейси ва чекланмаган юк парвозларини амалга ошириш ҳуқуқига эга бўлди», - дея маълум қилди қўмита матбуот хизмати.
Томонлар ҳукуматлараро келишув лойиҳасининг матнини имзолашга тайёрламоқда.
«Эришилган келишув натижасида Қувайтнинг «Jazeera Airways» авиакомпанияси 2020 йил ёзидан бошлаб Қозоғистонга мунтазам рейсларни амалга ошириши мумкин», - деди идора вакиллари.
Эслатиб ўтамиз, бунгача Туркия, Малайзия, Австрия каби кўплаб мамлакатларнинг авиакомпаниялари билан рейслар сонини орттириш ҳақида келишувларга эришилганини маълум қилгандик.
Муаллиф: Марлан Жиембай
