Қулай мактаб қандай кўринишга эга бўлади: Таълим муассасасининг ички 3D тури ишга туширилди

ASTANA. Кazinform - Лойиҳа доирасидаги мактабларнинг жойлашуви ва бандлиги ҳақидаги маълумотлар, шунингдек, тегишли саволларга жавоблар билан “Қулай мактаб” миллий лойиҳасининг расмий саҳифасида танишиш мумкин. Бу ҳақда Қозоғистон Республикаси Таълим-маориф вазирлиги ягона оператор Samruk-Kazyna Constructionга таяниб хабар беради.

3D турни ушбу ҳавола орқали томоша қилиш мумкин.

Уч босқичли моделда мактабнинг ички тузилиши, синф хоналари, ошхоналар, спорт заллари, йўлакларнинг жойлашиши кўрсатилган.

Саҳналар имкон қадар реалга яқин, бу ерда ички дизайн, мебел, безакларни томоша қилиш мумкин.

Бундан ташқари, қайта алоқа орқали исталган саволга жавоб олиш имконияти мавжуд.

Давлат раҳбари топшириғига кўра, Қозоғистонда ўқувчилар ўрни етишмаслигини бартараф этиш, аварияли ва уч сменали мактабларни тугатиш мақсадида “Қулай мактаб” лойиҳаси амалга оширилмоқда.

Лойиҳа доирасида 740 минг ўринга мўлжалланган 369 та янги форматдаги мактаб қурилиб, шулардан 217 таси жорий йил охиригача, қолган 152 таси эса 2025 йилда фойдаланишга топширилади.

Бунгача Қозоғистон Республикаси Таълим-маориф вазирлиги замонавий эргономик ва хавфсиз таълим муҳитини яратиш мақсадида зарур норматив-ҳуқуқий базани ишлаб чиқди ва мактаб қурилишига қўйиладиган талабларни белгилаб берди.

Шу билан бирга, келажак мактабларида ўқув жараёнини самарали ташкил этиш, сифатли кадрлар билан таъминлаш борасидаги ишлар изчил давом эттирилмоқда.