ҚР Ҳукумати инфляцияни 4-6 фоизлик коридорга қайтариш ниятида

None
None
NUR-SULTAN. Кazinform - Қозоғистон Республикаси Ҳукумати инфляцияни 4-6 фоизлик коридорга қайтариш ниятида. Бу ҳақда Қозоғистон Республикаси Бош вазири Алихан Смаилов бугун бўлиб ўтаётган «Атамекен» МТПнинг навбатдан ташқари IХ қурултойида маълум қилди, деб хабар беради Kazinform мухбири.

«Аҳолининг даромадини оширишнинг ҳам, муваффақиятли бизнес юритишнинг ҳам муҳим шарти инфляция даражасини пасайтиришдир. Маълумки, глобал пандемия даврида таъминот занжирларининг узилиши фонида дунёнинг деярли барча мамлакатларида инфляциянинг ғайритабиий даражада юқорилиги кузатилмоқда. Шундай қилиб, АҚШда у 2021 йилда 7% даражасида эди, бу сўнгги 30 йилдаги энг юқори кўрсаткичга айланди. Россияда инфляция кўп йиллар давомида биринчи марта Қозоғистондан ошиб, 8,5 фоизни, Ўзбекистонда 10 фоизни ташкил этди. Шу муносабат билан нархлар барқарорлигини таъминлаш мақсадида Ҳукумат Миллий банк ва «Атамекен» ТП билан биргаликда инфляцияни назорат қилиш ва пасайтириш бўйича комплекс чора-тадбирларни амалга оширмоқда». – деди А.Смаилов,

Унинг сўзларига кўра, комплекс ишлаб чиқариш ҳажмини ошириш, сақлаш ва логистика, чакана савдо, монополияга қарши ва ташқи савдони тартибга солишга қаратилган тезкор ва тизимли чора-тадбирлардан иборат. Инфляция даражасини аввал белгиланган 4-6 фоизлик коридорга қайтариш вазифаси қўйилди.

Муаллиф: Мейрамбек Байғарин

Сўнгги хабарлар