ҚР Сенати икки фуқароликни чекловчи ҳужжатни қабул қилди

NUR-SULTAN. Кazinform - Қозоғистон Парламенти Сенати «Шахсий маълумотлар алмашинуви соҳасидаги маъмурий ишлар бўйича ўзаро ҳуқуқий ёрдам тўғрисидаги битимни ратификация қилиш ҳақида»ги қонунни қабул қилди, деб хабар беради Kazinform мухбири.

Ушбу шартнома МДҲ давлатларининг ваколатли органлари ўртасида имзоланган. Ҳужжат ахборот алмашинувининг ҳуқуқий асосларини белгилайди. Битим 2020 йил декабр ойида Давлат раҳбарлари кенгаши йиғилишида имзоланган.

«Шартномани ратификация қилиш МДҲ давлатларида фуқаролиги бор ёки йўқлиги, шахсини тасдиқловчи ҳужжатлар, мигрант сифатида рўйхатдан ўтган шахслар, хорижликларга ушбу давлатларга ташриф буюриш ва бўлиш учун берилган визалар, жиноий ёки маъмурий жавобгарликка тортиш тўғрисидаги маълумотларни тақдим этади. Бу ҳужжат икки фуқароликни олдини олади», - деди ИИВ вазирининг биринчи ўринбосари Марат Қожаев.

Шартнома бўйича қўшимча маълумотлар мавжуд. Бошқа давлатдан олинган шахсни тасдиқловчи ҳужжатлар йўқолган тақдирда, бу шахснинг шахсини, фуқаронинг хориждаги яшаш жойини аниқлаш имконини беради. Бундан ташқари, юридик ёрдам кўрсатишда шахсларни маъмурий ёки жиноий ҳуқуқбузарлик учун жавобгарликка тортиш тўғрисидаги маълумотлардан фойдаланиш мумкин. Ушбу маълумот расмийлар томонидан сўров орқали олинади. Жавоб бериш муддати икки ойдан ошмаслиги керак.

«Шу билан бирга, шартномада фуқаролар ҳақидаги маълумотларнинг махфийлиги, бундай маълумотлардан фойдаланишга чекловлар, шунингдек, сўровга жавоб бермайдиган талаблар аниқ кўрсатилган. Ҳужжатнинг ратификация қилиниши МДҲ давлатлари ваколатли органлари ҳамкорлиги самарадорлигини оширади. Қонун лойиҳаси мамлакатнинг барча манфаатдор давлат органлари билан келишилган», — деди М. Қожаев.

Муаллиф: Руслан Ғаббасов