ҚР Президенти «ZENITH» заводи фаолияти билан танишди
Корхона қурилиш материаллари ишлаб чиқариш ва турли мақсадларда фойдаланиладиган объектларни қуриш билан шуғулланади.
Қасим-Жомарт Тоқаев корхона цехларида бўлиб, завод маҳсулотлари билан танишди. Бу ерда бетон, пойдевор блоклари, ғишт каби қурилиш материаллари ишлаб чиқарилади. Яқинда корхонада катта диаметрли паст босимли полиетилен қувурлар ишлаб чиқариш линияси ишга туширилди. Маҳсулот маиший ичимлик суви ва техник сув таъминоти қувурларини қуришда кенг қўлланилади.
Компания раҳбариятининг айтишича, ишлаб чиқариш инфратузилмасига қарийб 20 миллиард тенге сармоя киритилди. Бундан ташқари, завод давлат-хусусий шериклик тамойили асосида ижтимоий уй-жойлар қурилишида иштирок этяпти. Корхонада янги ишлаб чиқаришлар ишга туширилиб, кўп қаватли уйлар фойдаланишга топширилади. Улар орасида Давлат дастури доирасида йилига 100 минг квадрат метр уй-жой қуриш режалаштирилган.
Президент завод жамоаси билан суҳбатда мамлакатда қурилиш саноатини ривожлантириш муҳимлигини таъкидлади.
«Сиз иқтисодиётимизнинг муносиб тармоғига айландингиз. Мен бу соҳада давлатдан ёрдам олишдан манфаатдорман. Албатта, биз сизни содиқ ҳамкор сифатида қўллаб-қувватлаймиз. Яна айтаман. Кичик ва ўрта бизнесдаги вазият бутун иқтисодиётимиз ривожига сезиларли ҳисса қўшяпти. Шундай экан, сиз доимо менинг эътиборимда бўласиз», – деди Давлат раҳбари.
