ҚР Президенти Қозоғистон халқини Рамазон ойи бошланиши билан табриклади

ASTANA. Kazinform – ҚР Президенти Қасим-Жомарт Тоқаев Қозоғистон халқини Рамазон ойи бошланиши билан табриклади. Бу ҳақда Ақорда матбуот хизмати хабар берди.

Ҳурматли ватандошлар!

Барчангизни Рамазон ойининг бошланиши билан табриклайман!

Бу давр халқимиз маънавий ҳаётида алоҳида аҳамиятга эга бўлган даврдир.

Рўзада сабр ва қаноат, меҳр-оқибат ва ғамхўрлик каби фазилатлар алоҳида таъкидланади.

Фуқароларимиз муҳтожларга ёрдам беришга интилиб, хайрия ишларини олиб бормоқда. Буларнинг барчаси исломнинг инсонпарварлик ғояларидан келиб чиқади. Халқимиз учун дин ва урф-одат бир-бирини тўлдирадиган, узвий боғланган эгизак тушунчадир. Динимиз ҳам, аждодларимиз анъаналари ҳам инсонни меҳр-оқибат ва бунёдкорликка чорлайди.

Бу йил Рамазон миннатдорчилик кунига тўғри келди. Бу катта рамзий маънога эга. Бу икки байрам ўзининг теран мазмуни ва уйғун маъноси билан халқимизнинг муборак бирдамлигини янада мустаҳкамлашга чорлайди.

Барчангизга бахт-саодат тилайман! Ниятингиз қабул бўлсин!