ҚР Президенти “ҚазМунайГаз” МК” бошқаруви раиси вазифасини бажарувчи Асхат Хасеновни қабул қилди
ASTANA. Kazinform – ҚР Президенти Қасим-Жомарт Тоқаев “ҚазМунайГаз” МК” АЖ бошқаруви раиси вазифасини бажарувчи Асхат Хасеновни қабул қилди. У компаниянинг жорий йилнинг биринчи чорагидаги операцион-молиявий фаолияти якунлари тўғрисида ҳисобот берди.
“ҚазМунайГаз” ўтган йилнинг шу даврига нисбатан кўплаб асосий кўрсаткичлар бўйича ўсишга эришганини маълум қилди;
Жанаўзен шаҳрида гибрид электр станцияси ва Атирау вилоятида 1,25 миллион тонна қувватга эга полиэтилен ишлаб чиқариш заводини қуриш, нефть-кимё кластерини ривожлантириш, Каспий денгизидаги Каламқас-тенгиз, Хазар ва Ауезов конларини ўзлаштириш каби йирик инвестиция лойиҳаларининг бориши ҳақида гапирди;
компаниянинг 2023 йилда ишга туширилган газ конлари, шунингдек, захираларни тўлдириш ва нефть қазиб олиш даражасини сақлаб қолиш учун олиб борилаётган геологик қидирув ишлари ҳақида маълумот берди. Хусусан, “ҚазМунайГаз” Қизилўрда вилоятидаги Торғай палеозой участкасида ва Каспий денгизидаги Абай участкасида чуқурлиги 5500 метр бўлган қудуқ бурғулашни режалаштирмоқда;
Ижтимоий лойиҳаларни амалга ошириш, компаниянинг сув тошқинларининг олдини олиш борасида олиб бораётган ишлари ҳақида гапирди.
Қасим-Жомарт Тоқаев геология-қидирув, нефть ва газ кимёси соҳаларидаги лойиҳаларга йирик инвесторларни жалб этиш бўйича қатор топшириқлар берди. Шунингдек, мамлакатдаги нефтни қайта ишлаш заводларининг узлуксиз ишлашини таъминлаш зарурлигига алоҳида эътибор қаратди.
