ҚР Президенти CITIC Group компаниясининг Қозоғистондаги лойиҳаларини юқори баҳолади
ASTANA. Kazinform – Давлат раҳбари CITIC Group директорлар кенгаши раиси Си Гохуани қабул қилди, деб хабар беради Ақорда матбуот хизмати.
Йиғилишда энергетика, нефть-кимё саноати, йўл қурилиши, минерал-хом ашё, қишлоқ хўжалиги ва бошқа соҳалардаги ҳамкорликнинг бугунги ҳолати ва уни мустаҳкамлаш истиқболлари муҳокама қилинди.
Қасим-Жомарт Тоқаев CITIC Group компаниясига Ақтау битум заводини модернизация қилиш лойиҳасини самарали амалга оширгани учун миннатдорчилик билдирди. Жорий йилнинг апрель ойида ишлаб чиқариш майдончасидаги ишлар муддатидан аввал якунланди. Президент Қозоғистоннинг ишончли сармоявий ҳамкори сифатида CITIC Group фаолиятини ҳам юқори баҳолади. Қозоғистон ва Хитой ўртасидаги ишбилармонлик алоқаларини мустаҳкамлаш бўйича фаол иш олиб бориш муҳимлигини таъкидлади.
Си Гохуа корпорация нефтни қайта ишлаш заводларини модернизация қилиш, нефть қувурларини ётқизиш, Марказий-Ғарбий автомобиль йўлини таъмирлаш, донни чуқур қайта ишлаш бўйича лойиҳаларни биргаликда амалга ошириш ниятида эканини айтди.
