ҚР Бош вазири нефтдан бюджетга тушаётган маблағлар ҳақида маълумот берди

ASTANA. Кazinform – Жаҳон нефт бозоридаги нархлар туфайли Миллий жамғарма ва республика бюджети нефт-газ секторидан барча тушумлар билан таъминланади. Бу ҳақда Ҳукумат раҳбари Алихан Смаилов Сенатнинг умумий йиғилишидан сўнг маълум қилди, дея хабар беради Кazinform мухбири.

«Агар бюджет даромадлари ҳақида гапирадиган бўлсак, бюджет ва Миллий жамғарма даромадларида пасайиш кузатилмаслигини кўрамиз. Масалан, бир йилда нефт секторидан Миллий жамғармага 3,9 триллион тенге тушиши режалаштирилган эди. 10 ойлик якунларига кўра, бу режа аллақачон бир триллион тенгедан ортиғи билан бажарилганини кўряпмиз»

, — деди Алихан Смаилов Сенатнинг умумий йиғилишидан кейинги матбуот анжуманида.

Ҳукумат раҳбари республика бюджетига тушумларга ҳам тўхталиб ўтди.

«Республика бюджетига тушумларга келадиган бўлсак, экспорт божхона тўловидан йилига 1,8 триллион тенгени режалаштирган эдик. 10 ойлик якунларига кўра, 1,4 триллион тенге келиб тушган, қолган маблағ эса яқин икки ой ичида олинади. Жаҳон нефт бозорида шаклланаётган шароит ва нархлар туфайли биз нефт-газ секторидан Миллий жамғарма ва республика бюджетига тушадиган барча тушумлар билан тўлиқ таъминлаймиз»

, – деди Алихан Смаилов.

Муаллиф: Руслан Ғаббасов