ҚР Бош вазири: Қўшни давлатлардаги эпидемиологик вазиятни ҳам ҳисобга олиш керак
«Умумий эпидемиологик вазият яхшиланмоқда. Барча ҳудудларда вирусли инфексия даражаси, оғир аҳволдаги беморлар, стационар ва амбулатор беморлар сони камайди. Алмати ва Нур-Султан шаҳарлари «қизил» зонадан чиқди. Энди яна тўртта вилоят қолди. «Сариқ» зонада 4 та, «яшил» зонада 9 та вилоят мавжуд. Бироқ қўшни давлатлардаги вазиятни ҳам ҳисобга олиш керак. Барча ҳудудларда чеклов чораларини таъминлаш зарур. Мониторинг гуруҳлари кучайтирилган режимда ишлаши керак», - деди у Ҳукумат йиғилишида.
Бош вазир, шунингдек, эмлаш даражаси сезиларли даражада яхшиланмаганини қайд этди.
«Ҳозирги кунда 8,3 миллиондан ортиқ киши вакцинанинг биринчи компонентини, 8,5 миллиондан ортиқ киши иккинчи компонентини олган. Нур-Султан, Шимолий Қозоғистон, Манғистау, Қостанай, Ақмола, Ғарбий Қозоғистон вилоятлари фаоллашсин.
Ҳокимликлар ва Соғлиқни сақлаш вазирлиги тиббиёт муассасалари омборларидаги дори воситалари ва маҳсулотларни текширишдан ўтказиб, улар билан тўлиқ таъминланишини таъминлаши лозим», — деди Aсқар Мамин.
Муаллиф: Есимжан Нақтибай
