Қозоғистоннинг учта ҳудудида ҳаво ҳарорати 40 даражадан ошади – Қазгидромет

ASTANA. Kazinform – “Қазгидромет” РДК 21 июль учун об-ҳаво маълумотларини эълон қилди.

Компания маълумотларига кўра, антициклон тизмасининг таъсири туфайли республиканинг аксарият ҳудудларида кундузи ёғингарчиликсиз бўлади, фақат республиканинг шарқи ва жануби-шарқида атмосферанинг фронтал қисмлари ўтиши муносабати билан ҳавонинг ўзгарувчан бўлиши, момақалдироқ бўлиб, ёмғир ёғиши мумкин. Қозоғистон шарқида дўл ва довул бўлади, кечаси кучли ёмғир ёғади.

Республика бўйлаб шамол кучаяди, жанубий вилоятларда чанг бўрони кузатилади, кечаси ва эрталаб республиканинг шимолий ва шимоли-ғарбий қисмида туман тушиши мумкин.

Кундузи ҳарорат Манғистау вилоятида 38-42, Атирау вилоятида 35-39, Ғарбий Қозоғистон вилоятида 35-37, Жетису вилояти ва Алмати вилоятида 35-38, Абай вилояти жанубида 35, Туркистон вилояти жанубида 42 даража иссиқ бўлади. Шунингдек, кун давомида ҳаво ҳарорати Атирау вилояти ғарбида 41 даража, Манғистау вилояти жанубида эса 43 даража иссиқ бўлади.