Қозоғистоннинг “МДҲ+” форматини яратиш ташаббуси Ҳамдўстлик нуфузини оширади
MINSK. Kazinform — МДҲ штаб-квартирасида экспертлар иштирокида “МДҲ+” форматини яратиш имкониятлари муҳокама қилинди, деб хабар беради Kazinform мухбири.
Йиғилишда ташкилотга аъзо давлатлар ва МДҲ Ижроия қўмитаси вакиллари иштирок этди.
Йиғилишда биринчи бўлиб сўзга чиққан МДҲ Бош котиби ўринбосари Нурлан Сейтимов муҳокама қилинаётган ташаббус Қозоғистон Президенти Қасим-Жомарт Тоқаев томонидан ўтган йилнинг октябрь ойида бўлиб ўтган саммитда таклиф этилганини таъкидлади.
«МДҲга аъзо давлатлар Ҳамдўстлик нуфузини жаҳон миқёсида янада юксалтиришдан манфаатдор. Бу борада Бирлашган Миллатлар Ташкилоти ва бошқа минтақавий ташкилотлар билан алоқаларни мустаҳкамлаш муҳим аҳамиятга эга. Шунинг учун ҳам Тожикистоннинг Ҳамдўстликка раислиги даврида бу ишларга устувор аҳамият берилади”, - деди Нурлан Сейтимов.
Унинг сўзларига кўра, ташкилот фаолиятини бошқа интеграция форматлари билан уйғунлаштириш МДҲ нуфузини оширишга хизмат қилиши шубҳасиз.
Иштирокчилар таъкидлаганидек, экспертлар Қозоғистон ташаббусини муҳокама қилишда давом этади. Ушбу таклифни кўриб чиқиш бўйича навбатдаги йиғилиш 18 март куни бўлиб ўтади.
Эслатиб ўтамиз, жорий йил 28 апрелда Ўзбекистон пойтахтида МДҲ Иқтисодий кенгашининг йиғилиши бўлиб ўтади.
